Mae'r ffrwythau'n hawdd eu trin: eu rhewi, eu troi'n hufen iâ, neu ychwanegu at y rhesi o jarrau jam a chutni lawr llawr. Tomatos: run peth. Ond nid mewn hufen iâ....erbyn meddwl efallai buasai sorbe yn gweithio'n iawn.
Rwyf i hefyd yn rhewi ffa Ffrengig, pupurod (mewn stribedi) a phlatiau fel 'ratatouille' wedi'u coginio.
Mae cennin yn tyfu rownd y rîl fan hyn, felly does dim ond rhaid tynnu'r rhai sydd ar fin dod â blodau, a'u dodi nhw nôl yn y ddaear i gadw am wythnos neu ddwy os bydd rhaid.
Mae'r sialots yn cadw'n well na dim. (Fe welais i'r cyfieithiad 'sibwns' ar gyfer shallots, ond i fi rhywbeth arall yw sibwns, hanner ffordd rhwng 'spring onion' a wynwns cyffredin, ac yn cael eu cynaeafu'n gynnar - unrhyw syniadau?)
Yn yr ail ran: y tato, ayyb.
Nid bod mod defnyddio'r gair sibwns fy hun, ond ar gyfer spring onion mae Dudley'n ei ddefnyddio ar y bocs.
ReplyDeleteNi (wel y wraig) wedi tyfu shallots eleni am y tro cyntaf ac newydd eu codi. Mae'n nhw'n sychu ar silff yn y ty gwydr - dw i'n meddwl byddant yn OK achos does fawr dim haul yma. Am fynd i IKEA i sbio am fag-rhwyd.
Wedi bod yn chwilio eto ynglŷn â'r enwau: mae 'Rheoliadau Hadau''r Cynulliad yn cynnwys y ddau, sibwns a sialots, ar wahân. Ac mae o leiaf 2 fwyty sydd â bwydlenni ar y we yn defnyddio'r 2 air i ddisgrifio platiau o fwyd. Ond mae Wicipedia'n dweud (yn Saesneg) fod yr enw Welsh onions yn gallu golygu spring onions neu sialots. Yn sicr rwy'n cofio bod hi'n bosib bwyta dail sibwns yn las neu'r gwreiddyn wedi'i sychu. Pawb yn glir?
ReplyDeleteFedri di egluro wrth Gog di-glem fel fi, be' ydi cinebens? Diolch
ReplyDeleteYmddiheuro am yr oedi cyn ateb: cinebêns fyddem ni'n dweud am ffa coch 'runner beans' - o 'kidney beans' mae'n debyg.
ReplyDelete