Arian y Dreth yn creu Swyddi

Rwyf i wedi son o'r blaen am y ffordd mae llywodraeth Sbaen wedi ymateb i'r sefyllfa economaidd - a'r cynnydd dirfawr yn nifer y di-waith - drwy prosiectau cyhoeddus. Fe'i gwelir ym mhobman, yr arwyddion mawr melyn 'PlanE'.
Mae rhai o'r prosiectau eu hunain yn enfawr, yn enwedig y rhai oedd wedi dechrau cyn 2008 ac syddwedi eu henwi wedyn yn PlanE. Ond mae cost hyd yn oed y rhai bach yn sylweddol.
Yn Ribadesella yn unig, mae'r gwaith (argyfwng, rhaid cyfaddef) wedi dechrau ar y cei. Amcangyfrif: 2,200,000 euros.
Maen nhw hefyd wrthi'n cymoni llwybr sy'n arwain o'r dre i'r penrhyn.
Amcangyfrif: 90,000 euros
Ac yn gosod goleuadau stryd arbennig ar hyd y cei a'r llwybr, fydd yn gallu cael eu diffodd adeg y tymor pysgota llysywod.
Amcangyfrif: 300,000 euros.
Mae'r rhain i gyd yn rhoi gwaith i bobl: ond pwy a ŵyr am ba hyd?